Gürekan azüm zügu
Eypigekey, Kushe Ñuke ta ayükefi llalliñ, Kizu ta gürekayüm tañi ruka mew kiñeke llalliñ azkazinekeyew azkintunietew wente kam txaf ruka mew.
Eypigekey, Füsha Chaw ñi makuñ zewmagi pu llalliñ füwchi füw mew, meshafiñ elugerkey ta kushe ñuke gürekayam petu ñi akunon wütxe antü. Lig füw llalliñ mew ñimiñüfi chi pu wagkülen tañi füta ñi makuñ mew.
Fey mew lle kizu wüzamkefi chi pu ñimiñ choyümekelu güren mew fey chi pu llalliñ wall femekeygün chum peyenefiel mapu egün.
Itxo ñüwalelu egün güren azüm mew, kushe ñuke eypirkeyew izafilmün püchuke chegen, tañi pu yall, yomelelafimün güren günen. Fey pu llalliñ wenu ruka püle narkeygün nüwal ta logko mew kam püchüke zomo ñi kürpu mew.
Welu müli kiñeke, kiñeke müten, wüñowitxawkenolu wentxu ñi witxayemen mew fey anüpuy ñi pu ligke namun ta yafü ka txawa lipag mew.
